من أنا؟
Saturday, December 15, 2007
الرئيس حفظه الله
كل يوم يطل علينا شكل سيادة سعادة فخامة السيد الرئيس حفظه الله
في كل حتة فهو في الجرائد والمجلات والتلفزيون
ولكن مسألتش نفسك سيادة الرئيس حفظه الله ايه لازمته؟
ايه يعني وظيفته؟ ابسطهالك بمثال قريب اي مشكلة تحصل في البلد ملوش دعوة بيها
ومن الجرم اقحام سيادته في مسئوليتها
محرقة بني سويف ملوش دعوة بيها كارثة العبارة هو ايه دخله فيها
فلو حصلت مشكلة في الصحة فوزير الصحة ومن اقل مسئولين
لو حصلت مشكلة في التعليم فوزير التعليم ومن اقل منه مسئولين
اما هو فملاك يتمتع ببعد نظر وحكمة وفاهم كل حاجة
وسريع البديهة ولديه قدرات خاصة تقولش ادهم صبري
بس هو مالوش دعوة بحاجة واتحدي حد يطلعلي مسئولية عليه
فهو من الحكمة والفطنة كي يكون فوق النقد والمسئولية
العقل يقول كلما كبر المنصب كبرت المسئولية تكبر مع حجم النفوذ والسلطة
لكن عندنا لا كلما كبر المنصب قلت المسئولية
ويا سلام لو اتحرك او قال تصريح فهو كلامه بالغ الحكمة
ويعمل حاجة كأنه بيتكرم علينا بعطفه
يا عيني علي جماله النونو ولانا اهتمامه يا سلام حقيقي يستاهل الشكر
الرئيس مبارك ينطبق عليه قول الشاعر
جاءته الولاية منقادة اليه تجرر اذيالها
وما خلقت الا له وما خلق الا لها
ولو ولاها احد غيره لزلزلت الارض زلزالها
شايف الكلام الله يا حج !!!! يا جماعة افيقوا من غيبتكم نحن نعامل
سياة سعادة فخامة السيد الرئيس حفظه الله كأنه اله
اتحدي ان يكون هناك من قال لمبارك لا من 27 سنة من مصر طبعا ! الريس
حيتحاسب يوم القيامة يعني بشر وهو المفروض شغال عندنا
ايوة ده مش هزار لكن انعكست الاية بقي الشعب في خدمته
هو وعيلته فهو ملك بمعني الكلمة
فهو قارب علي الثمانين ولازال حكيما !!! نحن لسنا معه او ضده
مع الحق والمنطق وفي النهاية ربنا يجعل كلامنا خفيف
وعاش الزعيم عاش القائد ودومت لنا فخرا يا زعيم
يا مهشتكنا يا مدلعنا مين بعدك حيدلعنا
والشعب هاها قال الشعب قال
اختارك يا مبارك !!!1
posted by مفيش فايدة at 6:47 AM
3 Comments:
ايه الكلام الجامد ده يابنى هاتودى نفسك فى داهيه
بس ولله عندك حق..ههههههههه
احلي مقال قريته في حياتي
تعليق
Post a Comment
<< Home