من أنا؟
Thursday, September 6, 2007
منهج الحياة الفارغة
عيش يا سيدي عيش
مهو انت لازم تعيش
قال يعني انت عايش
ورافض انك تعيش
خلي حزنك جواك ساكن
خليه علي جنب راكن
ادفنه اياك تبينه
سيبه جواك كامن
مكتوب عليك تعمل مبسوط
ودايما مزاجك مظبوط
لو الكلام مش بفايدة
الاحسن السكوت
الوقت دايما بيمر
وكدة كدة حيمر
ومش حتفرق
ان كان حلو ولا مر
مع الليل تفرغ همومك
شايلها جواك طول يومك
طلع متخافش محدش شايفك
ولا سامعك ومحدش حيلومك
تسأل نفسك اسئلة
كل يوم نفس الاسئلة
دايما ملهاش اجوبة
وابدا مفيش مشكلة
عيشها كدة بسهولة
مهي حاجة مش معقولة
تفضل شاغل نفسك
دايما بحاجات مجهولة
من نار الدنيا ياما اتلسعت
وفضلت ااقرب لحد ما ولعت
ونار الاخري اسخن
علي حسب ما سمعت
في بحر الدنيا ياما غرقت
وخلاص كدة زهقت
احبس النفس
خلاص عن الدنيا اتفرقت
مهو انت لازم تعيش
قال يعني انت عايش
ورافض انك تعيش
خلي حزنك جواك ساكن
خليه علي جنب راكن
ادفنه اياك تبينه
سيبه جواك كامن
مكتوب عليك تعمل مبسوط
ودايما مزاجك مظبوط
لو الكلام مش بفايدة
الاحسن السكوت
الوقت دايما بيمر
وكدة كدة حيمر
ومش حتفرق
ان كان حلو ولا مر
مع الليل تفرغ همومك
شايلها جواك طول يومك
طلع متخافش محدش شايفك
ولا سامعك ومحدش حيلومك
تسأل نفسك اسئلة
كل يوم نفس الاسئلة
دايما ملهاش اجوبة
وابدا مفيش مشكلة
عيشها كدة بسهولة
مهي حاجة مش معقولة
تفضل شاغل نفسك
دايما بحاجات مجهولة
من نار الدنيا ياما اتلسعت
وفضلت ااقرب لحد ما ولعت
ونار الاخري اسخن
علي حسب ما سمعت
في بحر الدنيا ياما غرقت
وخلاص كدة زهقت
احبس النفس
خلاص عن الدنيا اتفرقت
posted by مفيش فايدة at 5:03 AM
0 Comments:
Post a Comment
<< Home