من أنا؟
Tuesday, September 4, 2007
يالا متنفخش
اجعله شعارك من الان كبر دماغك من الاخر شوف اللي بيضايقك ايه واقلبه حاجة بتبسطك لو فكرت شوية انت ايه اللي بيضايقك حتلاقي السبب هو طموحك للمثالية وده مستحيل يبقي خلاص ما دام مستحيل متفكرش فيه اساسا أقولك حاجة حاول متبقاش مثالي مثلا ارفع شعار ليه اجيب مجموع كبير ما دام ممكن اجيب مجموع صغير ليه اشتغل ما دام ممكن معملش حاجة ياااه شوف حياتك حتبقي عاملة ازاي لما تكون في شغلك ماشي بمبدأ عك وليس كله كويس شوف جربنا كام مرة نكون مثاليين جربنا كام مرة نعمل حاجة صح جربنا كام مرة نيجي علي نفسن علشان نعيش علي ايه جرب ما يبقاش ليك حدود خليك حرمفيش صح ولا غلط اللي في دماغك اعمله من غير تردد ما دام حيريحك فكر كدة هما اللي تعبوا نفسهم بقوا سعداء ؟ اكيد لا وعلي فكرة الكلام ده لحكومتنا المبجلة يالا كبري دماغك مش عايزين لا اصلاح سياسي ولا اقتصادي كفاية علينا كدة احنا عايزين دماغ حرة ليه واجعين دماغكوا اصحي من نومك لقيت نفسك مش عايز تروح شغلك ايه يجبرك؟ شوفت مزة عاجباك روح بوسها ! ايوة متخافش اهم حاجة اعمل اللي نفسك فيه شوفت واحد نفسك تضربه واحد منفوخ منه قوله متكسفش اقولكوا حاجة انا مليش مزاج اكمل كتابة وانت كمان مليكش مزاج تكمل قراية !1
posted by مفيش فايدة at 4:10 AM
0 Comments:
Post a Comment
<< Home