من أنا؟
Tuesday, September 11, 2007
كان انسان
الحق انسان بيتخطف
معناه من القاموس اتحذف
بقي بضاعة بتتشال وتتحدف
بقي حاجة عادية ارخص من الفلوس اللي بتتصرف
انسان حاسس انه طالع للنازل
وعشان يطلع لازم يطمع ويترازل
وهو في سكته لازم عن اي حاجة حيتنازل
ولو عن ضحكته لازم يسيبها ويتخاذل
انسان بريء طلع للنور
لقي دنيا اكبر سور
مبتديش لاي حد جواز مرور
عشان تعدي لازم علي الدنيا تثور
انسان حلم يعيش حياة من غير سدود
مش علي الخديعة في الطبيعة وسط الورود
يبقي حر تبع المود
يفرد جناحه ويعدي كل الحدود
انسان عشان يعيش لازم يموت
عشان يدوس علي مشاعره ولعواطفه يشوط
وييجي علي كرامته علشان القوت
لقي نفسه اتحول لحوت
انسان شاف الحياة غير الحياة
لا عايز منها فلوس ولا جاه
عايز بس حبيب يبقي معاه
يخدوا ويطير بيه في سماه
صحي من حلمه علي سراب
مكانش شايف من الضباب
شاف بيت احبابه فتح الباب
لقا جواه ناس اغراب
ومشي علي الشوك لاقاه بيوجع
ويتألم وعمره عمره ميتكلم ولا يدمع
مع انه ماشي عليه من غير ما يزرع
ورغم الالم بيسكت ويكمل ويخضع
انسان مش هي دي الدنيا اللي حلم بيها
انسان الدنيا ناره اللي مش قادر يطفيها
انسان الدنيا جنته اللي مش متهني عليها
انسان شاف كلمة انسان راحت معانيها
انسان لقي عمره بيتسحب والموت عمره ما زاره
انسان قرر ينسحب وخلاص كان قراره
ميعرفش خدوا حد غيره ولا هو اختاره
بس الموت مش سهل ومش سهل تدوس علي زراره
بس هو لقي الزمن مش زمانه
وكترت عليه احزانه
والدنيا مش مكانه
مش مخلوقة عشانه
مخلوقة للي ليهم ضهر
مش للي زيه غرقان في الفقر
ونفد الصبر
انسان وقف قدام البحر
كان انسان
معناه من القاموس اتحذف
بقي بضاعة بتتشال وتتحدف
بقي حاجة عادية ارخص من الفلوس اللي بتتصرف
انسان حاسس انه طالع للنازل
وعشان يطلع لازم يطمع ويترازل
وهو في سكته لازم عن اي حاجة حيتنازل
ولو عن ضحكته لازم يسيبها ويتخاذل
انسان بريء طلع للنور
لقي دنيا اكبر سور
مبتديش لاي حد جواز مرور
عشان تعدي لازم علي الدنيا تثور
انسان حلم يعيش حياة من غير سدود
مش علي الخديعة في الطبيعة وسط الورود
يبقي حر تبع المود
يفرد جناحه ويعدي كل الحدود
انسان عشان يعيش لازم يموت
عشان يدوس علي مشاعره ولعواطفه يشوط
وييجي علي كرامته علشان القوت
لقي نفسه اتحول لحوت
انسان شاف الحياة غير الحياة
لا عايز منها فلوس ولا جاه
عايز بس حبيب يبقي معاه
يخدوا ويطير بيه في سماه
صحي من حلمه علي سراب
مكانش شايف من الضباب
شاف بيت احبابه فتح الباب
لقا جواه ناس اغراب
ومشي علي الشوك لاقاه بيوجع
ويتألم وعمره عمره ميتكلم ولا يدمع
مع انه ماشي عليه من غير ما يزرع
ورغم الالم بيسكت ويكمل ويخضع
انسان مش هي دي الدنيا اللي حلم بيها
انسان الدنيا ناره اللي مش قادر يطفيها
انسان الدنيا جنته اللي مش متهني عليها
انسان شاف كلمة انسان راحت معانيها
انسان لقي عمره بيتسحب والموت عمره ما زاره
انسان قرر ينسحب وخلاص كان قراره
ميعرفش خدوا حد غيره ولا هو اختاره
بس الموت مش سهل ومش سهل تدوس علي زراره
بس هو لقي الزمن مش زمانه
وكترت عليه احزانه
والدنيا مش مكانه
مش مخلوقة عشانه
مخلوقة للي ليهم ضهر
مش للي زيه غرقان في الفقر
ونفد الصبر
انسان وقف قدام البحر
كان انسان
posted by مفيش فايدة at 4:12 AM
0 Comments:
Post a Comment
<< Home