من أنا؟
Saturday, November 17, 2007
لكي تكون سعيدا
السعادة حاجة عاملة زي كل الحاجات والتعريفات المجردة
ملهاش واقع ملموس متقدرش تلمسها ولا تشوفها لكن تقدر تحسها بس
هي عاملة كدة زي الحب علي رأي انيس منصور اللي بيقول في تعريف الحب
انه عامل زي العفاريت كله بيتكلم عنه لكن محدش شافه
والتعريف ده ييجي علي كل التعريفات المجردة زي السعادة بس انا دلوقتي مش عايز
اتكلم علي السعادة كتعريف لاني بصراحة مش عارفلها تعريف
انا عايز اتكلم علي ظواهر الاحساس بالسعادة او حالة السعادة
وانا واقف عند كلمة حالة لانها معناها انها حالة وتعدي وهي دي السعادة
ممكن تقعد دقيقة او ساعة او اسبوع انما مش علي طول
بس انا اكتر حاجة واقف عندها في هذا الموضوع النسبية في السعادة
وفي الاشياء اللي بتسعد الناس والاسعد هم الاطفال لانهم جداد علي الدنيا
فكل حاجة بيعملها او بيشوفها بيحس كانها تجربة جديدة وفريدة من نوعها
فلما يشوف طوبة عايز يشوطها ويحب يبص من البلكونة لسه مملش النظر
انما الكبار مهما تعملهم الملل يطاردهم وهنا تستوقفني علاقة معرفش ان
كانت طردية او عكسية او مش موجودة اصلا بين الغني والسعادة او الفقر والتعاسة
ممكن تكون فيه علاقة لكن لو بصيت للواقع تستغرب وجود واحد غني ومش سعيد وفقير
وسعيد ولاحظ اننا لسه متفقناش علي معني السعادة ممكن جدا تلاقي واحد غني
وطويل وصحة ووسيم والبنات بتحبه ومتعلم ومثقف وبيحقق ذاته في شغله ومعندوش لا
مشاكل عائلية ولا مادية ولا نفسية ومع كدة مش سعيد ليه متعرفش مع انه ظاهريا كامل
وفقير مريض وتعبان وطالع بوز امه من الاخر وتلاقي ضحكته مش بتفارقه ... حاجة
غريبة مش كدة !!! كل ده يتوهك عن معني السعادة والتحامه مع معني الرضا والقبول
بس قبول ايه ؟! وهو الفتي الموز اللي اتكلمنا عليه في الاول ابتلي بحاجة عشان يرضاها
ولا لا؟! حد يقوللي انت مش عارف حاجة يعني ؟! اخلص وقول ايه معني السعادة؟
السعادة في حد ذاتها مش موجودة اصلا احنا اللي بنجيبها وهي
لا بتيجي من فقر ولا غني ولا مرض ولا صحة بس دي عوامل مؤثرة برضه
بس السعيد هو اللي بيعرف يستمتع!!!!!!!!!!! يستمتع
بحياته كلها حلوها ومرها شغال علي الامكانيات اللي عنده مهما كانت متواضعة او كبيرة
عشان يسعد نفسه فهو يلاقي في كل حاجة تحصله مصدر تفاؤل وسعادة
من الاخر عشان تبقي سعيد خد بالك من النعم اللي انت فيها اللي بيخلي الواد الموز الغني
اللي اتكلمنا عليه في الاول مش سعيد لانه مش حاسس ان في حاجة مميزة
عادي كأنه من الطبيعي انه غني وصحة والبنات بتحبه
اضربلك مثل يعني تخيل واحد فقير معدم سكنته في شقة اوضة وصالة واديته موبايل
وعربية لادة تخيل السعادة اللي حيبقي فيها
انما الغني اللي عنده ده من الاول طبيعي بيبص علي الحاجات دي انها اساسيات
ومفيش داعي للفرح بيها وانما الفقير بيبص علي الحاجات دي انها رفاهية
مثال تاني غايظني شخصيا وكل الشباب عارفين قيمته تلاقي واحد مثلا قاعد طول اليوم
واحدة تيجي تبوسه في بوقه او في خده او ممكن حتي تلاقيه بيمارس الجنس وتكلمه يقولك
عادي وتلاقيه ولا في دماغه انما لو كان شاب مسكين زيي يمسك ايد واحدة كأنه مسك
الشمس والقمر وتبقي لحظة تاريخية بالنسباله واهم من لحظة جون ابو تريكة ويسجلها في
مذكراته ويعيش عليها ممكن عمره كله لانه ممكن ميقدرش يتجوز لكن هو بيستمتع مع
ان مقدار حظه قليل عرفت معنيب السعادة
ايه؟ لا
ولا انا
ملهاش واقع ملموس متقدرش تلمسها ولا تشوفها لكن تقدر تحسها بس
هي عاملة كدة زي الحب علي رأي انيس منصور اللي بيقول في تعريف الحب
انه عامل زي العفاريت كله بيتكلم عنه لكن محدش شافه
والتعريف ده ييجي علي كل التعريفات المجردة زي السعادة بس انا دلوقتي مش عايز
اتكلم علي السعادة كتعريف لاني بصراحة مش عارفلها تعريف
انا عايز اتكلم علي ظواهر الاحساس بالسعادة او حالة السعادة
وانا واقف عند كلمة حالة لانها معناها انها حالة وتعدي وهي دي السعادة
ممكن تقعد دقيقة او ساعة او اسبوع انما مش علي طول
بس انا اكتر حاجة واقف عندها في هذا الموضوع النسبية في السعادة
وفي الاشياء اللي بتسعد الناس والاسعد هم الاطفال لانهم جداد علي الدنيا
فكل حاجة بيعملها او بيشوفها بيحس كانها تجربة جديدة وفريدة من نوعها
فلما يشوف طوبة عايز يشوطها ويحب يبص من البلكونة لسه مملش النظر
انما الكبار مهما تعملهم الملل يطاردهم وهنا تستوقفني علاقة معرفش ان
كانت طردية او عكسية او مش موجودة اصلا بين الغني والسعادة او الفقر والتعاسة
ممكن تكون فيه علاقة لكن لو بصيت للواقع تستغرب وجود واحد غني ومش سعيد وفقير
وسعيد ولاحظ اننا لسه متفقناش علي معني السعادة ممكن جدا تلاقي واحد غني
وطويل وصحة ووسيم والبنات بتحبه ومتعلم ومثقف وبيحقق ذاته في شغله ومعندوش لا
مشاكل عائلية ولا مادية ولا نفسية ومع كدة مش سعيد ليه متعرفش مع انه ظاهريا كامل
وفقير مريض وتعبان وطالع بوز امه من الاخر وتلاقي ضحكته مش بتفارقه ... حاجة
غريبة مش كدة !!! كل ده يتوهك عن معني السعادة والتحامه مع معني الرضا والقبول
بس قبول ايه ؟! وهو الفتي الموز اللي اتكلمنا عليه في الاول ابتلي بحاجة عشان يرضاها
ولا لا؟! حد يقوللي انت مش عارف حاجة يعني ؟! اخلص وقول ايه معني السعادة؟
السعادة في حد ذاتها مش موجودة اصلا احنا اللي بنجيبها وهي
لا بتيجي من فقر ولا غني ولا مرض ولا صحة بس دي عوامل مؤثرة برضه
بس السعيد هو اللي بيعرف يستمتع!!!!!!!!!!! يستمتع
بحياته كلها حلوها ومرها شغال علي الامكانيات اللي عنده مهما كانت متواضعة او كبيرة
عشان يسعد نفسه فهو يلاقي في كل حاجة تحصله مصدر تفاؤل وسعادة
من الاخر عشان تبقي سعيد خد بالك من النعم اللي انت فيها اللي بيخلي الواد الموز الغني
اللي اتكلمنا عليه في الاول مش سعيد لانه مش حاسس ان في حاجة مميزة
عادي كأنه من الطبيعي انه غني وصحة والبنات بتحبه
اضربلك مثل يعني تخيل واحد فقير معدم سكنته في شقة اوضة وصالة واديته موبايل
وعربية لادة تخيل السعادة اللي حيبقي فيها
انما الغني اللي عنده ده من الاول طبيعي بيبص علي الحاجات دي انها اساسيات
ومفيش داعي للفرح بيها وانما الفقير بيبص علي الحاجات دي انها رفاهية
مثال تاني غايظني شخصيا وكل الشباب عارفين قيمته تلاقي واحد مثلا قاعد طول اليوم
واحدة تيجي تبوسه في بوقه او في خده او ممكن حتي تلاقيه بيمارس الجنس وتكلمه يقولك
عادي وتلاقيه ولا في دماغه انما لو كان شاب مسكين زيي يمسك ايد واحدة كأنه مسك
الشمس والقمر وتبقي لحظة تاريخية بالنسباله واهم من لحظة جون ابو تريكة ويسجلها في
مذكراته ويعيش عليها ممكن عمره كله لانه ممكن ميقدرش يتجوز لكن هو بيستمتع مع
ان مقدار حظه قليل عرفت معنيب السعادة
ايه؟ لا
ولا انا
posted by مفيش فايدة at 8:50 AM
0 Comments:
Post a Comment
<< Home