من أنا؟

Thursday, August 30, 2007

ولا زالوا يوجهون الصغار

مسألتش نفسك قبل كدة مين اللي ادي الكبار الحق انهم يغلطوا عيالهم؟! سؤال غبي عارف!بس خدني علي قد عقلي ايه هي مقومات الكبار اللي تخليهم يغلطوا الاطفال؟! قبل ما تجاوب اسألك انا الاول سؤال هما الكبار يعني اللي مبيغلطوش؟!1
طبعا اكيد بيغلطوا ومش اي غلط ده غلطه اكبر من غلط الصغير وقوللي انت الصغير بيغلط بيعمل ايه يعني؟
بيعملها علي روحه! ولو كبير شوية بيعمل ايه؟ بيكسر ازاز الجيران من شوطته للكورة! لو كبير شوية كمان بيعمل ايه؟ بيعاكس بنت الجيران! طوز....... ايه المشكلة؟
بذمتك دي غلطات تقارن بغلطات الكبار؟
غلطات الكبار تؤدي للحروب والقتل والتدمير ..... ولا زالوا يوجهون الصغار
غلطات الكبار انانية واغتصاب وجواز عرفي ولازالوا يوجهون الصغار
غلطات الكبار الظلم والقهر للصغار .... ولا زالوا يوجهون الصغار
كل هذه الاخطاء ولا زالوا يوجهون الصغار
اما الخطيئة عند الكبار هي محاولة تدمير الجيل اللي بعديه واظهار انهم افضل منه بدليل انهم لا زالوا يوجهون الصغار
اي عيل يغلط اي غلطة ابوه يعنفه ويضربه وتلاقي السبب تافه جدا والواد في سره يقوله يعني انت اللي مبتغلطش؟! وابوه يسمع السؤال (في سره برضه) ويكون الرد (في سره برضه) انا خلاص كبرت ( دي فيزا انك تغلط زي ما انت عايز) وانا قدك كان ابويا (رحمه الله ) بيعمل فيا اكتر من كدة ده انا مدلعك !1
posted by مفيش فايدة at 8:32 AM

0 Comments:

Post a Comment

<< Home