من أنا؟
Tuesday, September 4, 2007
الليالي النفيخة
مفكرتش مرة انك عندك ايام منفوخ منها ايام معينة بغض النظر ان كل الايام نفيخة يوم ملازمك بأحداث أو ذكريات نفخ يوم تكرهه وتكره مجيئه بشكل متفرد عن بقية الايام أوضحلك بمثال أنا مثلا أكره جميع أيامي ولكن السبت والثلاثاء ليهم معزة نفخية عندي حتقوللي اشمعني اليومين دول بالذات مش يمكن ظالمهم لو قولتلكوا اسباب كرهي لهم حتعذروني أولا يوم السبت وده اصلا معروف انه يوم نحس ويوم السبت دايما بيواكب اول يوم ليا في الدراسة من وانا صغير لحد ما كبرت وانا اكره جدا اول يوم في المدرسة ويوم السبت دايما بيواكب الامتحانات النفيخة بتاعتي وكمان غالبا بيكون يوم السبت هو اليوم اللي بعرف فيه النتيجة اللي دائما ودوما بتكون مصدر نفخ ليا وفيه حاجة فيا انا شخصيا مكرهاني في يوم السبت ان انا متعود اني انوي القيام بحاجة من اول الاسبوع اللي جاي اللي هو يوم السبت واقعد ااجل الحاجة دي كل سبت وفي الاخر معملهاش يعني مثلا في المذاكرة اقول انا ناوي من اول السبت الجاي اذاكر وميحصلش فاضطر اسفا ااجل المذاكرة اللي كنت حذاكرها للسبت اللي بعده علي اعتبار ان بدء المذاكرة في يوم غير السبت رجس من عمل الشيطان وهكذا يظل هذا السبت الملعون لا يأتي الي اخر السنة وتكون النتيجة المنطقية التي اعرفها يوم سبت ايضا .... عرفت انا ليه كاره يوم السبت؟
الثلاثاء مش حقولك فيه غير اني عرفت ان يوم الثلاثاء كان هو اليوم المشئوم اليوم الذي استقبلت فيه البشرية فاشلا جديدا يوم مولد العبد لله طبعا ! عرفتوا ليه انا كاره السبت والثلاثاء ؟ وفكر كدة معندكش انت كمان ايام بتكرهها؟
الثلاثاء مش حقولك فيه غير اني عرفت ان يوم الثلاثاء كان هو اليوم المشئوم اليوم الذي استقبلت فيه البشرية فاشلا جديدا يوم مولد العبد لله طبعا ! عرفتوا ليه انا كاره السبت والثلاثاء ؟ وفكر كدة معندكش انت كمان ايام بتكرهها؟
posted by مفيش فايدة at 3:39 AM
0 Comments:
Post a Comment
<< Home